ന്യൂസ് ഫ്ലാഷ് : മൂന്നുപീടിക വഞ്ചിപ്പുര ബീച്ചിൽ നാലുപേർ തിരയിൽപ്പെട്ടു, രണ്ടുപേരെ രക്ഷപ്പെടുത്തി, തിരച്ചിൽ തുടരുന്നു. ഞായറാഴ്ച അഞ്ചുമണിയോടെയാണ് സംഭവം. ടൈൽ പണിക്കാരായ അന്യസംസ്ഥാന തൊഴിലാളികളാണ് അപകടത്തിൽ പെട്ടത്. കാണാതായവരിൽ 16 വയസായ സൈദ്, 26 വയസായ മുംതാജ് എന്നിവരാണ് ഉള്ളതെന്ന് രക്ഷപ്പെട്ടവർ അറിയിച്ചു. ബീഹാർ സ്വദേശികളായ ഇവർ മൂന്നുപീടികയിലാണ് ഇപ്പോൾ താമസം. തിരയിൽ പെട്ടവരെ ബീച്ചിൽ ഉണ്ടായിരുന്ന മത്സ്യത്തൊഴിലാളികൾ വഞ്ചിയിലാണ് രക്ഷപ്പെടുത്തിയത്.