അറിയിപ്പ് : ഇരിങ്ങാലക്കുട നമ്പർ 2 സെക്ഷൻന്‍റെ പരിധിയിൽ വരുന്ന പാലാട്ടി ഗാർഡൻസ്, വേഴേകാട്ടൂക്കര, ഭുവനേശ്വരി അമ്പലം, വല്ലക്കുന്ന്, പരടിച്ചിറ, എൻ.ഐ.പി.എം.ആർ ഹോസ്പിറ്റൽ എന്നീ പ്രദേശങ്ങളിൽ ജൂലൈ 16 ശനിയാഴ്ച രാവിലെ 8:30 മുതൽ വൈകീട്ട് 5 മണി വരെ 11 കെ വി ലൈനിൽ ആറ്റകുറ്റപണികൾ നടക്കുന്നതിനാൽ വൈദുതി വിതരണം ഭാഗികമായി തടസ്സം നേരിടുന്നതാണ് എന്ന് അസിസ്റ്റന്റ് എഞ്ചിനീയർ അറിയിക്കുന്നു.

ഇരിങ്ങാലക്കുട : ഡോക്ടർ കെ.എൻ.പിഷാരടി സ്മാരക കഥകളി ക്ലബ്ബിന്റെ ആഭിമുഖ്യത്തിൽ പ്രതിഭാധനരും, പ്രതിബദ്ധരുമായ യുവകലാകാരന്മാരുടെ വിവിധങ്ങളായ രംഗകലാവതരണത്തിനായി "നവ്യം" - യൗവനത്തിൻ കലൈയാട്ടം എന്നപേരിൽ വേദിയൊരുങ്ങുന്നു.സോപാനസംഗീതം, കർണ്ണാടകസംഗീതം, മോഹിനിയാട്ടം, ഭരതനാട്യം, കൂച്ചിപ്പൂടി, കൂടിയാട്ടം, കഥകളി തുടങ്ങിയ രംഗകലകളിൽ ഇന്നത്തെ തലമുറയിലെ കഴിവുറ്റ യുവ കലാകാരന്മാരെ ഉൾപ്പെടുത്തിയാണ് ഈ ദ്വിദിനപരിപാടികൾ രൂപകല്പന ചെയ്തിട്ടുള്ളത്. ആഗസ്റ്റ് 13,14 (ശനി ,ഞായർ) തിയ്യതികളില്‍ ഉണ്ണായിവാരിയർ സ്മാരക കലാനിലയം ഹാളിലാണ് രണ്ടുദിവസപരിപാടികളും അരങ്ങേറുക.കഴിവുള്ള

ഇരിങ്ങാലക്കുട : മാപ്രാണം ബ്ലോക്ക് റോഡ് പാടശ്ശേരി പരേതനായ ഗോപാലകൃഷ്ണ മേനോന്‍ ഭാര്യ മച്ചിങ്ങല്‍ ലീലാവതി (71) അന്തരിച്ചു. സംസ്ക്കാരം ജൂലൈ 16 ശനിയാഴ്ച രാവിലെ 10 മണിക്ക് ഇരിങ്ങാലക്കുട മുക്തിസ്ഥാനില്‍.മക്കള്‍ രാജേഷ് മേനോൻ (എസ്സാർ അസ്സോസിയേറ്റ്സ്, ഇരിങ്ങാലക്കുട), ഗിരീഷ് (പത്ര ഏജൻസി), മരുമകള്‍ വിജയശ്രീ (ആർ.ഡി.ഓ ഓഫീസ്, ഇരിങ്ങാലക്കുട)

ആനന്ദപുരം : ആനന്ദപുരം ശ്രീകൃഷ്ണ ഹയർ സെക്കണ്ടറി സ്കൂൾ വിദ്യാർത്ഥികൾ മലയാള സാഹിത്യ രംഗത്തെ കുലപതി എം.ടി വാസുദേവൻ നായർക്ക് പിറന്നാൾ ആശംസകൾ നേർന്ന് കത്തുകൾ അയച്ചു. വിദ്യാലയത്തിലെ വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിലാണ് കത്തുകൾ അയച്ചത്.വിവിധ ഡിവിഷനിലെ ഇരുന്നൂറ് കുട്ടികൾ പിറന്നാൾ ആശംസാ കാർഡുകൾ അയച്ചു. ഹെഡ്മാസ്റ്റർ ടി. അനിൽകുമാർ, അധ്യാപകരായ ബിന്ദു. ജി കുട്ടി, യു. പ്രിയ എന്നിവർ നേതൃത്വം നൽകി.

ആളൂർ കൃഷിഭവൻ അറിയിപ്പ് : അത്യുല്പാദനശേഷിയുള്ളതും കീടരോഗ പ്രധിരോധ ശേഷി ഉള്ളതുമായ മുന്തിയ ഇനം WCT തെങ്ങിൻ തൈകൾ 50 % സബ്‌സിഡി ( പകുതി വിലക്ക് ) നിരക്കിൽ വിൽപ്പയ്ക്കായി കൃഷിഭവനിൽ എത്തിയിട്ടുണ്ട്. വില ഒന്നിന് 52/- രൂപ. ആവശ്യമുള്ളവർ എത്രയും പെട്ടന്ന് കൃഷിഭവനുമായി നേരിട്ട് ബന്ധപ്പെടുക.