ഇരിങ്ങാലക്കുട: തൃശൂരില്‍ ചലച്ചിത്രകേന്ദ്രത്തിന്‍റെ ആഭിമുഖ്യത്തില്‍ നടക്കുന്ന 15 മത് അന്താരാഷ്ട്ര ചലച്ചിത്രോല്‍സവത്തിന്‍റെ ഭാഗമായുള്ള രണ്ടാമത് ഇരിങ്ങാലക്കുട അന്തര്‍ദേശീയ ചലച്ചിത്ര മേളയ്ക്ക് ശനിയാഴ്ച തിരശ്ശീല ഉയരും. മാര്‍ച്ച് 7 മുതല്‍ 11 വരെ മാസ് മൂവീസിലും ഓര്‍മ്മ ഹാളിലുമായി പത്ത് ഭാഷകളില്‍ നിന്നുള്ള 15 ചിത്രങ്ങളാണ് മേളയുടെ ഭാഗമായി പ്രദര്‍ശിപ്പിക്കുന്നത്. 7 ന് രാവിലെ 9. 30 ന് നടക്കുന്ന ചടങ്ങില്‍ നഗരസഭ ചെയര്‍പേഴ്‌സണ്‍ നിമ്യ ഷിജു ചലച്ചിത്രോല്‍സവം ഉദ്ഘാടനം ചെയ്യും.

പടിയൂർ : ഈ വർഷത്തെ ഏറ്റവും മികച്ച അംഗൻവാടി ഹെൽപ്പ്ർ തസ്തികയിലെ വർക്കർക്കുള്ള സംസ്ഥാന സർക്കാർ അവാർഡിന് അർഹയായ ശാന്തകുമാരിയെ എ.ഐ.വൈ.എഫ് പടിയൂർ മേഖലാ കമ്മിറ്റി ആദരിച്ചു. പാർട്ടി ലോക്കൽ സെക്രട്ടറി വി ആർ രമേശ് പൊന്നാട അണിയിച്ചു. വിഷ്ണു ശങ്കർ , അഭിജിത് , മിഥുൻ , ലാജേഷ് എന്നിവർ സന്നിഹിതരായിരുന്നു.

ഇരിങ്ങാലക്കുട : കേരളത്തിലെ മുൻനിര പ്രസാധകരെല്ലാം പങ്കെടുക്കുന്ന ഏപ്രിൽ 6 മുതൽ 13 വരെ ടൗൺ ഹാളിൽ നടക്കുന്ന 'ഇരിങ്ങാലക്കുട പുസ്തകോത്സവത്തിന്‍റെ' കൂപ്പൺ വിതരണം എടതിരിഞ്ഞി എച്ച്.ഡി.പി. സമാജം സ്കൂൾ മാനേജർ ഭരതൻ കണ്ടേങ്കാട്ടിലിന് നൽകികൊണ്ട് ഇരിങ്ങാലക്കുട ഡി.ഇ.ഒ. ജയശ്രീ എം.ആർ. ഉദ്ഘാടനം നിർവഹിച്ചു. എച്ച്.ഡി.പി ശ്രീനാരായണ ഹാളിൽ നടന്ന സമ്മേളനം പടിയൂർ പഞ്ചായത്ത് പ്രസിഡന്റ് സുധൻ ഉദ്ഘാടനം ചെയ്തു. പുസ്തകോത്സവം അഡ്വൈസറി കമ്മിറ്റി ചെയർമാൻ പി.കെ. ഭരതൻ മാസ്റ്റർ ചടങ്ങിൽ