വെള്ളം കയറാൻ സാധ്യതയുള്ള പ്രദേശങ്ങളിലെ ജനങ്ങളെ എത്രയും പെട്ടന്ന് ക്യാമ്പുകളിലേക്ക് മാറ്റാൻ പോലീസിന്‍റെ സഹായത്താൽ ജനപ്രതിനിധികൾ അടിയന്തരമായി ശ്രമിക്കണം – മന്ത്രി ആർ ബിന്ദു

ഇരിങ്ങാലക്കുട : പ്രളയ സമാന സാഹചര്യം പ്രതീക്ഷികാം എന്ന് മന്ത്രി ആർ ബിന്ദു, വെള്ളം കയറാൻ സാധ്യതയുള്ള പ്രദേശങ്ങളിലെ ജനങ്ങളെ എത്രയും പെട്ടന്ന് ക്യാമ്പുകളിലേക്ക് മാറ്റാൻ പോലീസിന്‍റെ സഹായത്താൽ ജനപ്രതിനിധികൾ അടിയന്തരമായി ശ്രമിക്കണം. ഇരിങ്ങാലക്കുട നിയോജക മണ്ഡലത്തിലെ ദുരിതാശ്വാസ പ്രവർത്തനങ്ങളുടെ മുന്നൊരുക്കങ്ങൾ അവലോകനം ചെയ്യാൻ റസ്റ്റ് ഹൗസിൽ ചേർന്ന അവലോകന യോഗത്തിൽ അദ്ധ്യക്ഷത വഹിച്ചു സംസാരിക്കുകയായിരുന്നു മന്ത്രി.

നമ്മൾ ഒരു പ്രതിസന്ധി ഘട്ടത്തെയാണ് അഭിമുഖീകരിക്കുന്നത് എന്നുള്ള ജാഗ്രത വരും ദിവസങ്ങളിൽ ഏവർക്കും ഉണ്ടാകണമെന്ന് മന്ത്രി ഏവരെയും പ്രത്യേകം ഓർമ്മിപ്പിച്ചു. നിലവിൽ ആശങ്കപ്പെടേണ്ട സാഹചര്യമില്ലെന്നും എങ്കിലും കനത്ത ജാഗ്രത പുലർത്തണമെന്നും മന്ത്രി അഭിപ്രായപ്പെട്ടു.

മണ്ഡത്തിലെ 5 കേന്ദ്രങ്ങളിൽ ക്യാമ്പുകൾ ആരംഭിച്ചിട്ടുണ്ടെന്നും മഴ ശക്തമായാൽ കൂടുതൽ കേന്ദ്രത്തിൽ ക്യാമ്പുകൾ ആരംഭിക്കേണ്ടി വരുമെന്നും ക്യാമ്പുകൾ ആരംഭിക്കുന്നതിനായുള്ള സ്ഥലങ്ങൾ കണ്ടെത്തിയിട്ടുണ്ടെന്നും, മുമ്പ് വെള്ളം കയറിയ സ്ഥലങ്ങൾ ലിസ്റ്റ് ചെയ്തിട്ടുണ്ടെന്നും ഉദ്യോഗസ്ഥർ അറിയിച്ചു.

ക്യാമ്പുകളിൽ പ്രതിരോധ മരുന്നുകൾ , കുടിവെള്ളം തുടങ്ങിയവ കരുതണമെന്നും , ഏത് അടിയന്തിര സാഹചര്യവും നേരിടാൻ തയ്യാറായിരിക്കണമെന്നും , എല്ലാ വകുപ്പുകളും ഏകോപനത്തോടെ പ്രവർത്തനങ്ങൾ നടത്തണമെന്നും, ഏകോപനത്തിനായി മന്ത്രി ഓഫീസ് കേന്ദ്രീകരിച്ച് കൺട്രോൾ റൂം ആരംഭിക്കണമെന്നും തീരുമാനിച്ചു. കൺട്രോൾ റൂം ഓഫീസ് നമ്പർ 9946777988 & 7012838350.

ഇരിങ്ങാലക്കുട പി. ഡബ്ല്യൂ ഡി റസ്റ്റ് ഹൗസിൽ ചേർന്ന യോഗത്തിൽ ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് ലളിത ബാലൻ, വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡന്റ് വിജയലക്ഷ്മി വിനയചന്ദ്രൻ , കാട്ടൂർ പഞ്ചായത്ത് പ്രസിഡന്റ് ഷീജ പവിത്രൻ , കാറളം പഞ്ചായത്ത് പ്രസിഡന്റ് സീമ പ്രേംരാജ് , മുരിയാട് പഞ്ചായത്ത് പ്രസിഡന്റ് ജോസ് ജെ ചിറ്റിലപ്പിള്ളി, ആളൂർ പഞ്ചായത്ത് പ്രസിഡന്റ് കെ.ആർ. ജോജോ , വേളൂക്കര പഞ്ചായത്ത് പ്രസിഡന്റ് കെ.എസ്. ധനീഷ്,

പൂമംഗലം പഞ്ചായത്ത് പ്രസിഡന്റ് കെ.എസ്. തമ്പി , പടിയൂർ പഞ്ചായത്ത് പ്രസിഡന്റ് ലത സഹദേവൻ, ഇരിങ്ങാലക്കുട നഗരസഭ വികസന കാര്യ സ്റ്റാൻഡിങ് കമ്മിറ്റി ചെയർപേഴ്സൺ സി.സി. ഷിബിൻ , മുകുന്ദപുരം താലൂക്ക് തഹസിൽദാർ കെ.ശാന്തകുമാരി , മണ്ഡലം നോഡൽ ഓഫീസർ കെ.സി.ജിനീഷ് വിവിധ പഞ്ചായത്ത് സെക്രട്ടറിമാർ , വില്ലേജ് ഓഫീസമാർ വിവിധ വകുപ്പുകളുടെ ചുമതലക്കാർ തുടങ്ങിയവർ പങ്കെടുത്തു.

Leave a comment

Top