അപകടരഹിതമായ പുതുവത്സരത്തെ വരവേല്‍ക്കാനായി സേഫ് ന്യൂ ഇയര്‍ പ്രോഗ്രാം ആരംഭിച്ചു

ഇരിങ്ങാലക്കുട : അപകടരഹിതമായ പുതുവത്സരത്തെ വരവേല്‍ക്കാനായി പോലിസ്, മോട്ടോര്‍ വെഹിക്കിള്‍ , എക്സൈസ് എന്നിവര്‍ സംയുക്തമായി സേഫ് ന്യൂ ഇയര്‍ പ്രോഗ്രാം നടത്തുന്നു. വാഹനങ്ങളുടെ അമിത വേഗത, മദ്യപിച്ച് വാഹനമോടിക്കുന്നവര്‍, ഹെല്‍മറ്റ്, എന്നിവയാണ് പരിശോധന. പരിശോധനയില്‍ പിടിക്കപ്പെടുന്ന വാഹനങ്ങള്‍ പോലിസ് കസ്റ്റഡിയിലെടുക്കും. പ്രായപൂര്‍ത്തിയാകാതെ വാഹനമോടിച്ച് പിടിക്കപ്പെട്ടാല്‍ ഉത്തരവാദിത്വപ്പെട്ട രക്ഷിതക്കള്‍ക്കെതിരെ നടപടിയെടുക്കും. ഡി.വൈ.എസ്.പി. ഫേമസ് വര്‍ഗ്ഗീസിന്റെ നിര്‍ദ്ദേശപ്രകാരമാണ് വാഹന പരിശോധന. ന്യൂ ഇയര്‍ പ്രമാണിച്ച് രാത്രി പത്തുവരെ മാത്രമെ ഉച്ചഭാഷണിയും വാദ്യഘോഷങ്ങളും അനുവദിക്കുകയൊള്ളുവെന്ന് എസ്.ഐ. കെ.എസ് സുശാന്ത് പറഞ്ഞു. അനുമതിയില്ലാതെ മൈക്ക് സെറ്റ് ഉപയോഗിച്ച് പരിപാടി നടത്തുന്നവര്‍ക്കെതിരെയും പൊതുസ്ഥലങ്ങളില്‍ മദ്യപാനം നടത്തുന്നവര്‍ക്കെതിരെയും ശക്തമായ നടപടിയെടുക്കുമെന്നും എസ്.ഐ. പറഞ്ഞു.

Leave a comment

  •  
  •  
  •  
  •  
  •  
  •  
  •  

Leave a Reply

Top