കാറളം ; സാധ്യത ആര്‍ക്ക് ?

 

മുന്‍ വര്‍ഷങ്ങളിലെത് പോലെതന്നെ തദ്ദേശ സ്വയംഭരണ തെരഞ്ഞെടുപ്പിന് തീ പാറുന്ന പോരാട്ടത്തിനായിരിക്കും കാറളത്തുകാര്‍ സാക്ഷികളാകുക. ദശകങ്ങള്‍ നീണ്ട തുടര്‍ച്ചയായ ഭരണത്തിലൂടെ സൃഷ്ടിച്ചെടുത്ത ജനസംതൃപ്തിയും വികസനങ്ങളുടെ നീണ്ട പട്ടികയും നിരത്തുമ്പോള്‍ ഇത്തവണയും കാറളം പഞ്ചായത്ത് എല്‍.ഡി.എഫിന് എന്ന് പറയുന്നതില്‍ അതിശയത്തിനു വകയില്ല. 1987  മുതല്‍ ചെങ്കൊടി പാറുന്ന പഞ്ചായത്താണ് കാറളം. എല്‍.ഡി.എഫിന് വിശിഷ്യാ സി.പി.എമ്മിന് അനുകൂലമായ കാറ്റുവീശുന്ന ജില്ലയിലെ പ്രധാന പഞ്ചായത്തുകളിലൊന്ന് . 1987  മുതല്‍ ത്രിതല പഞ്ചായത്ത് തെരഞ്ഞെടുപ്പില്‍ യു.ഡി.എഫിന് ഇവിടെ പച്ച തോടാനായിട്ടില്ല. എല്‍.ഡി.എഫിന് പ്രതിരോധം തീര്‍ക്കാന്‍ സര്‍വ്വ സന്നാഹങ്ങളുമായി കാറളം പഞ്ചായത്തില്‍ ബി.ജെ.പി രംഗത്തുണ്ടാവും. എന്നാല്‍ ആരൊക്കെ എന്തൊക്കെ ചെയ്താലും ഇവയെയെല്ലാം അതിജീവിക്കാന്‍ വികസനങ്ങളുടെയും അഞ്ചു വര്‍ഷം നീണ്ട ജനക്ഷേമ പ്രവര്‍ത്തനങ്ങളുടെയും നീണ്ട പട്ടികയ്ക്ക് സാധിക്കുമെന്ന് എല്‍.ഡി.എഫ് ഉറച്ചു വിശ്വസിക്കുന്നു. 14 വാര്‍ഡുകളാണ് കാറളം പഞ്ചായത്തിലുള്ളത്. ഇതില്‍ 11  എണ്ണവും കഴിഞ്ഞ തെരഞ്ഞെടുപ്പില്‍ എല്‍.ഡി.എഫ് പിടിച്ചടക്കിയിരുന്നു. ഈ ഉജ്ജ്വല വിജയം വീണ്ടും ആവര്‍ത്തിക്കുമെന്ന ഉറച്ച പ്രതീക്ഷയിലാണ് എല്‍.ഡി.എഫ് പഞ്ചായത്തിന്റെ ഇപ്പോഴത്തെ രാഷ്ട്രീയ കാലാവസ്ഥഅനുസരിച്ച് ഇതിനു സാധ്യതയേറെയാണ്. 

 

വികസനം , പദ്ധതികള്‍ ഒരു അവലോകനം 

 

വീട്ടുകരമാണ് കാറളം പഞ്ചായത്തിനെ പ്രധാന വരുമാന സ്രോതസ്. കൃഷി , കൈത്തൊഴിലുകള്‍, ചെറുകിട കച്ചവടങ്ങള്‍, എന്നിവയെ പരമാവധി പ്രോത്സാഹിപ്പിക്കാന്‍ 64  ശതമാനം  പദ്ധതി വിഹിതവും ഇവക്കായി ചിലവഴിച്ചിരിക്കുന്നു.  ഇത് മെച്ചപ്പെട്ട ജീവിത സാഹചര്യം ജനങ്ങള്‍ക്ക്‌ പ്രദാനം ചെയ്തിട്ടുണ്ടെന്ന് പഞ്ചായത്ത് അധികൃതര്‍ സാക്ഷ്യപ്പെടുത്തുന്നു. ഇ.എം.എസ് , എം.എന്‍. ഭാവന നിര്‍മ്മാണ പദ്ധതികളുടെ പ്രയോജനം പരമാവധി പ്രയോജനപ്പെടുത്തി ഇരുനൂറോളം വീടുകള്‍ കഴിഞ്ഞ കാലയളവില്‍ പഞ്ചായത്ത് നിര്‍മ്മിച്ച്‌ നല്‍കിയിട്ടുണ്ട്. എസ്.സി., എസ്.ടി വിഭാഗത്തില്‍ പെടുന്ന സാധാരണക്കാരാണ് ഇതിന്റെ ഗുണഭോക്താക്കളിലേറെയും. ജനറല്‍ വിഭാഗത്തിനും വീടുകള്‍ ലഭ്യമാക്കിയിട്ടുണ്ട്. 

 

നെല്‍കൃഷി , തെങ്ങ് കൃഷി, എന്നിവയുടെ പുനരുദ്ധാരണത്തിനും വളര്‍ച്ചക്കുമായി പദ്ധതി വിഹിതത്തിന്റെ നല്ലൊരു പങ്കും പഞ്ചായത്ത് ചിലവഴിച്ചിട്ടുണ്ട്. കാര്ഷികാവശ്യത്തിനായി നടപ്പിലാക്കിയ 4  ലിഫ്റ്റ് ഇറിഗേഷന്‍ പദ്ധതികളും ജനോപകാരപ്രദമാണ്. കാര്‍ഷിക വികസനത്തിന് തയ്യാറാക്കിയ പദ്ധതികളെല്ലാം ഫലപ്രാപ്തിയിലെത്തിയിട്ടുണ്ട്. മുന്‍ വര്‍ഷങ്ങളില്‍ മഴക്കാലത്ത് വെള്ളക്കെട്ട് രൂക്ഷമായിരുന്ന കാറളം പഞ്ചായത്തില്‍ ഇത്തവണ വെള്ളക്കെട്ട് ഒഴിവാക്കാന്‍ സാധിച്ചത് എല്‍.ഡി.എഫിന്റെ നേട്ടമാണ് . 3  വര്‍ഷങ്ങളില്‍ എസ്.ജി.ആര്‍.വൈ ഫണ്ടില്‍ നിന്നും നിരവധി പദ്ധതികള്‍ നടപ്പാക്കിയത് പഞ്ചായത്തിന്റെ എടുത്തു പറയാവുന്ന നേട്ടമാണ്. പുല്ലത്തറ പ്രാഥമികാരോഗ്യ കേന്ദ്രത്തിന്റെ നില മെച്ചപ്പെടുത്തിയതും, മനപ്പടിയില്‍ ആയുര്‍വ്വേദ കേന്ദ്രം പ്രവര്‍ത്തനമാരംഭിച്ചതും നേട്ടങ്ങള്‍ തന്നെ. ആശ്രയ പദ്ധതി പ്രകാരം ഒന്നാം ഘട്ടത്തില്‍ 100  പേര്‍ക്ക് വസ്തു, മരുന്ന് പഠന സഹായം എന്നിവ സൌജന്യമായി നല്‍കാന്‍ പഞ്ചായത്തിന് സാധിച്ചു. 2200  പേര്‍ക്ക് കൂടി ഇവ നല്‍കാനുണ്ടെന്ന് പഞ്ചായത്ത് പറയുന്നു. 

 

വിദ്യാര്‍ത്ഥികള്‍ക്ക് സൌജന്യ കായിക പരിശീലനം നല്‍കാന്‍ പഞ്ചായത്തിന് സാധിച്ചിട്ടുണ്ട്. പഠനത്തില്‍ പിന്നോക്കം നില്‍ക്കുന്ന കുട്ടികള്‍ക്ക് സൌജന്യ ട്യൂഷന്‍ നല്‍കുക വഴി വിദ്യാര്‍ത്ഥികളുടെ ഉന്നമനം പഞ്ചായത്ത് ഉറപ്പു വരുത്തുന്നു. മൂന്നു അംഗനവാടികളുടെ അടിസ്ഥാന സൌകര്യങ്ങള്‍ വികസിപ്പിക്കാനും പഞ്ചായത്ത് തയ്യാറായി. എസ്.സി.,എസ്.ടി വിഭാഗക്കാര്‍ക്കും സാധുക്കളുടെ വിധവകള്‍ക്കും സാമ്പത്തിക സഹായം പഞ്ചായത്ത് നല്‍കുന്നുണ്ട്. വികലാംഗര്‍ക്ക് സൌജന്യ ഉപകരണങ്ങള്‍, മാനസിക വൈകല്യമുള്ള മുഴുവന്‍ കുട്ടികള്‍ക്കും പഠന സഹായം, പഠനോപകരണങ്ങള്‍ എന്നിവയും  ലഭ്യമാക്കിയിട്ടുണ്ട്. ജില്ലയിലെ ഏറ്റവും ശുചിത്വമുള്ള ഓഫീസിനുള്ള ഒരു ലക്ഷം രൂപയുടെ അവാര്‍ഡു സ്വന്തമാക്കിയതും എല്‍.ഡി.എഫ് ഭരണ സമിതിയുടെ നേട്ടങ്ങളാണ്. 

 

പ്രതിപക്ഷ ശബ്ദം . . . . 

 

കാറളം പഞ്ചായത്ത് നടപ്പാക്കിയ വികസന പ്രവര്‍ത്തനങ്ങള്‍ നിരവധിയാണെങ്കിലും നിരവധി അവസരങ്ങളും ഫണ്ടുകളും പഞ്ചായത്ത് നഷ്ടപ്പെടുത്തിയെന്നാണ് യു.ഡി.എഫ് ആരോപിക്കുന്നത്.  റോഡുകള്‍ പലതും ശോച്യാവസ്ഥയിലാണെന്നതും, ശക്തമായ ആരോപണമാണ്.  താണിശ്ശേരി മുസ്ലീം പള്ളി റോഡ്‌, താണിശ്ശേരി പത്തനാപുരം റോഡ്‌ ,ഹരിപുരം ക്ഷേത്രം റോഡ്‌ എന്നിവ തകര്‍ന്നതും,  ലൈബ്രറി കെട്ടിടം അടച്ചിട്ടിരിക്കുകയാമെന്നതും,  കലാകായിക രംഗത്തെ പ്രവര്‍ത്തനം കേരളോത്സവം നടത്തുന്നതില്‍ മാത്രം ഒതുങ്ങിപ്പോയി എന്നതുമാണ് യു.ഡി.എഫിന്റെ പ്രധാന ആരോപണായുധങ്ങള്‍. വികസനത്തിന്‌ അനുവദിക്കുന്ന ഫണ്ടുകള്‍ പലതും ഉപയോഗിക്കാതെ നഷ്ടപ്പെടുത്തുവെന്ന ആരോപണം കയ്യിലുണ്ടെങ്കിലും ഫലപ്രദമായി ഉപയോഗപ്പെടുത്താന്‍ പഞ്ചായത്ത് നടത്തിയ വികസന പ്രവര്‍ത്തനങ്ങള്‍ യു.ഡി.എഫിന് തിരിച്ചടിയാകും. 

 

വിധി. . . .