|
|
|
|
|
home
|
news |
photo | video
|
citizen journalist |
local information |
contact |
comments
|
classifieds |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
home | news | photo | video | citizen journalist | local information | contact | comments | classifieds |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
ഇരിങ്ങാലക്കുട: ചാലക്കുടി പുഴയില് കുളിക്കാനിറങ്ങിയ 3 വിദ്യാര്ത്ഥികള് മുങ്ങിമരിച്ചു. മരിച്ചവരില് ഒരാള് ഇരിങ്ങാലക്കുട കാട്ടുങ്ങചിറ പോലീസ് സ്റ്റേഷന് സമീപം പാറോത്ത് അബ്ദുള് വഹാബിന്റെമകള് ഷെയ്ക്ക് ഷിഹാസ് (20) ആണ് മരിച്ചത്. അങ്കമാലി കറുകുറ്റി എസ്.സി.എം.എസ് എഞ്ചിനീയറിംഗ് കോളേജ് വിദ്യാര്ത്ഥിയാണ്. മാതാവ്:ഷക്കീല. സഹോദരി:ഷിഹാന.
ഇരിങ്ങാലക്കുട : നാട്ടാനകളെ കൊണ്ടുപോകുന്നതിനായി രൂപകല്പ്പന ചെയ്ത് നിര്മ്മിച്ചിട്ടുള്ളതും ഇപ്പോള് ആനകളെ കയറ്റിക്കൊണ്ടുപോകുന്നതുമായ ലോറികള് കാണുന്നതിനും പരിശോധന നടത്തി അനുമതി പത്രം നല്കുന്നതിനുമായി ലോറി ഉടമകള് 9 ന് കാലത്ത് 10 . 30 ന് പറവട്ടാനിയിലുള്ള ചീഫ് ഫോറസ്റ് കണ്സര്വേറ്ററുടെ ഓഫീസില് മോട്ടോര് വാഹന വകുപ്പില് നിന്ന് ലഭിച്ച ഫിറ്റ്നസ് സര്ട്ടിഫിക്കറ്റ് സഹിതം വാഹനവുമായി നിശ്ചിത സമയത്ത് ഹാജരാകേണ്ടതാണ്. അനുമതി പത്രം ലഭിക്കാത്ത വാഹനങ്ങളില് ആനകളെ കയറ്റിക്കൊണ്ടു പോകുന്നത് കുറ്റകരവും ശിക്ഷാര്ഹവുമാണ്.
ഇരിങ്ങാലക്കുട : സ്കൂള് കുട്ടികളെ കൊണ്ടുപോകുന്ന എല്ലാത്തരം വാഹനങ്ങള്ക്കും സ്പീഡ് ഗവര്ണര് നിര്ബന്ധമാക്കി സര്ക്കാര് ഉത്തരവായി. കുട്ടികളെ കൊണ്ടുപോകുന്ന വാഹനങ്ങള് അപകടത്തില്പ്പെടുന്നത് വര്ദ്ധിച്ചുവരുന്നതിനാലും അപകടങ്ങള്ക്ക് കാരണം അമിത വേഗതയാണെന്ന് കണ്ടെത്തിയിട്ടുള്ള സാഹചര്യത്തിലുമാണ് സ്പീഡ് ഗവര്ണര് നിര്ബന്ധിതമാക്കുന്നത്. മുച്ചക്ര വാഹനങ്ങളെ ഇതില് നിന്നും ഒഴിവാക്കിയിട്ടുണ്ട്.
കരാമ: ദുബായിലെ കലാ സാംസ്കാരിക സാമൂഹ്യ സംഘടനയായ ദുബായ് പ്രിയദര്ശിനിയുടെ വൈസ് പ്രസിഡന്റായി ഇരിങ്ങാലക്കുട സ്വദേശി ടി.വി.സുധനെ തിരഞ്ഞെടുത്തു. പ്രസിഡന്റ് ബാബു പീതാംബരനും, ജനറല് സെക്രട്ടറി ടി.പി.അഷറഫുമാണ്. കരാമ ഫൈവ്സ്റ്റാര് ഭവന് ഹാളില് ആയിരുന്നു ചടങ്ങ്. പടിയൂര് ക്ഷീരോത്പാദക സഹകരണ സംഘത്തിന്റെ പ്രസിഡന്റും എണ്പതുകളില് തൃശൂര് ജില്ലാ കെ.എസ്.യു ജനറല് സെക്രട്ടറിയുമായിരുന്നു ടി.വി.സുധന് .
ഇരിങ്ങാലക്കുട: മുരിയാട് പഞ്ചായത്ത് പത്താം വാര്ഡ് ഊരകം ഈസ്റ്റ് ദീപം അംഗനവാടി റോഡിന്റെ നിര്മ്മാണോദ്ഘാടനം പഞ്ചായത്ത് പ്രസിഡന്റ് എം.ബി.രാഘവന് മാസ്റ്റര് നിര്വഹിച്ചു. പഞ്ചായത്തംഗം തോമസ് തത്തംപിള്ളി അദ്ധ്യക്ഷത വഹിച്ചു. പഞ്ചായത്തംഗം മിനി വരിക്കശ്ശേരി, റോസി പോട്ടക്കാരന് ,സുവി രാജന് എന്നിവര് പ്രസംഗിച്ചു.
ഇരിങ്ങാലക്കുട: തൃശൂര്, ഇരിങ്ങാലക്കുട, കൊടുങ്ങല്ലൂര്, ചാലക്കുടി എന്നീ റൂട്ടുകളിലെ ബസുകള് എയ്റോണ് ഉപയോഗിക്കുന്നതിനെതിരെ ഇരിങ്ങാലക്കുട ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി മുമ്പാകെ സി.എം.പി 7532 /08 നമ്പറായി ഇരിങ്ങാലക്കുടയിലുള്ള ജിജോയ്.പി.ആര് പരാതി ബോധിപ്പിച്ചതിന്റെ അടിസ്ഥാനത്തില് പോലീസിനോട് ക്രൈം രജിസ്റ്റര് ചെയ്ത് അന്വേഷിക്കാന് 2008 ല് ഉത്തരവിടുകയും ഉണ്ടായി. എന്നാല് പോലീസ് കേസന്വേഷിക്കാതെ ബസുകളില് എയ്റോണ് ഉപയോഗിക്കുന്നില്ല എന്ന റിപ്പോര്ട്ട് കോടതി മുമ്പാകെ സമര്പ്പിച്ചതിനെ തുടര്ന്ന് കോടതി ജിജോയുടെ പരാതിയിന്മേല് അന്വേഷണം നടത്തി അതിനെക്കുറിച്ച് വേണ്ട നടപടികള് എടുക്കുന്നതിനായി റിജീണല് ട്രാന്സ്പോര്ട്ട് ഓഫീസിലേക്ക് 2011 ജനുവരി 20 ന് നിര്ദ്ദേശം നല്കി ഉത്തരവായിട്ടുള്ളതാണ്. എന്നാല് നാളിതുവരെ യാതൊരു റിപ്പോര്ട്ടുകളോ അന്വേഷണമോ നടത്താത്തതിനെ തുടര്ന്ന് ആര്.ടി.ഒ വിനോട് അതിന്റെ വിശദീകരണം ആവശ്യപ്പെട്ടുകൊണ്ട് ഇരിങ്ങാലക്കുട ജുഡീഷ്യല് ഫാസ്റ്റ് ക്ലാസ് മജിസ്ട്രേറ്റ് പി.എന് .സീത ഉത്തരവിട്ടത്. കോടതി മുമ്പാകെ ഫെബ്രുവരി 9 ന് നേരിട്ട് ഹാജരാകാന് ആര്.ടി.ഒ വിനോട് ഉത്തരവായിട്ടുള്ളതാണ്. ഹൈക്കോടതിവിധിയുടെ അടിസ്ഥാനത്തില് എയ്റോണ് ഉപയോഗിക്കുന്നത് നിരോധിച്ചിട്ടുള്ളതും മോട്ടോര് വാഹന നിയമം അനുസരിച്ച് കുറ്റകരവും ശിക്ഷാര്ഹാവുമാണ്. ബസുകളില് സ്പീഡ് ഗവര്ണ്ണര് ഘടിപ്പിക്കത്തവര്ക്കെതിരെയും നടപടിയെടുക്കാന് പരാതിയില് ആവശ്യപ്പെട്ടിട്ടുണ്ട്. പരാതിക്കാരനുവേണ്ടി അഡ്വ.പി.പ്രമോദ്, അഡ്വ.പി.മണികണ്ഠന് , അഡ്വ.രശ്മി പ്രമോദ് എന്നിവര് ഹാജരായി.
ഇരിങ്ങാലക്കുട: എടക്കുളത്ത് ബൈക്കും ഗ്യാസ് അതോറിറ്റി ഓഫ് ഇന്ത്യയുടെ വാഹനവും തമ്മില് കൂട്ടിയിടിച്ച് യുവാവിന് പരിക്ക്. കാലിന് ഗുരുതരമായ പരിക്കേറ്റ ബൈക്ക് യാത്രികനായ യുവാവിനെ ഇരിങ്ങാലക്കുട കോ -ഓപ്പറേറ്റീവ് ആശുപത്രിയില് പ്രവേശിപ്പിച്ചു. ചൊവ്വാഴ്ച രാവിലെ 9 മണിയോടുകൂടിയാണ് സംഭവം.
ഇരിങ്ങാലക്കുട: ഗവണ്മെന്റ് ഗേള്സ് ഹയര്സെക്കന്ഡറി ആന്ഡ് വൊക്കേഷണല് ഹയര്സെക്കന്ഡറി സ്കൂളില് ജനാധിപത്യവും പൗരന്റെ ഉത്തരവാദിത്വവും എന്ന വിഷയത്തില് നടന്ന ഏകദിന സെമിനാര് അഡ്വ. തോമസ് ഉണ്ണിയാടന് എംഎല്.എ ഉദ്ഘാടനം ചെയ്തു. ഹയര്സെക്കന്ഡറി സ്കൂള് പ്രിന്സിപ്പാള് നൂര്സമാന് .എ അദ്ധ്യക്ഷയായിരുന്നു. നഗരസഭാ കൌണ്സിലര് വേണുഗോപാലന് മാസ്റ്റര്, സ്കൂള് പ്രിന്സിപ്പാള് കെ.വി.മോളി, പി.ടി.എ.പ്രസിഡന്റ് ബാബുമേനോന് , കോഡിനേറ്റര് സി.എസ്.അബ്ദുള്ഹക്ക്, സ്റ്റാഫ് സെക്രട്ടറി എസ്.എസ്.ജയകുമാര് എന്നിവര് സംസാരിച്ചു. ഇന്ത്യന് ജാനാധിപത്യത്തിന്റെ ചരിത്രവും വളര്ച്ചയും എന്ന വിഷയത്തെക്കുറിച്ച് എ.കെ. ദേവരാജനും, ജനാധിപത്യമൂല്യങ്ങളെക്കുറിച്ച് ബോബി ജോസും സെമിനാറില് ക്ലാസ് എടുത്തു. തിരുവനന്തപുരത്തെ ഇന്സ്റ്റിട്യൂട്ട് ഓഫ് പാര്ലിമെന്ററി അഫയെഴ്സിന്റെ സഹകരണത്തോടെയാണ് സെമിനാര് സംഘടിപ്പിച്ചത്.
ഇരിങ്ങാലക്കുട: മാലിന്യപ്രശ്നം രൂക്ഷമായ ഇരിങ്ങാലക്കുടയില് കോടതിവിധിയെ തുടര്ന്ന് ഹോട്ടലുകളുടെയും മറ്റും പൊതുകാനയിലേക്ക് മാലിന്യം ഒഴുക്കിവിടുന്ന പൈപ്പുകള് സിമന്റ് ഇട്ട് അടക്കുന്ന നഗരസഭാ അധികൃതര് പക്ഷെ നഗരഹൃദയത്തില് സ്ഥിതിചെയ്യുന്ന സബ് ജയിലില് നിന്നും മാലിന്യം പുറത്തേക്ക് ഒഴുകി കാല്നടക്കാര്ക്ക് ശല്യമാകുന്നതിനെതിരെ നിസംഗത പാലിക്കുന്നുവെന്ന പരാതി ഉയരുന്നു. ഠാണാവിലെ സബ് ജയിലില്നിന്നും പൈപ്പ് പുറത്തേക്ക് തള്ളി നടപ്പാതയില് മാലിന്യം വീഴുന്ന രീതിയിലാണ് ഇപ്പോള് സ്ഥിതി ചെയ്യുന്നത്. ഇതുവഴി പോകുന്ന കാല്നടക്കാരുടെ മേല് മാലിന്യം തെറിക്കാറുണ്ട്. മഴവെള്ളം ഒഴികെ മറ്റു മാലിന്യങ്ങള് പൊതുകാനയിലേക്ക് ഒഴുക്കാന് പാടില്ലെന്ന നിയമം ഒരു സര്ക്കാര് സ്ഥാപനം തെറ്റിക്കുന്നതിന് എതിരെ നഗരസഭാ നടപടി എടുക്കാത്തതിലാണ് പ്രതിഷേധം. എന്നാല് ഗുരുതര മാലിന്യപ്രശ്നം ഉണ്ടാകുന്ന ഹോട്ടലുകളുടെ മാലിന്യപൈപ്പുകള് അടക്കുകയാണ് പ്രഥമ പരിഗണനയെന്നും അതിനുശേഷം മുറക്ക് മറ്റുള്ളവയും അടക്കുമെന്ന് നഗരസഭാ ആരോഗ്യവിഭാഗം ഇതേപറ്റിയുള്ള ചോദ്യത്തിന് മറുപടിയായി പറഞ്ഞു.
ഇരിങ്ങാലക്കുട: അരിപ്പാലം ജെ.ജെ ഹാളില് മാതൃജാഗരണ സെമിനാര് നടന്നു. ഇരിങ്ങാലക്കുട എം.എല്.എ അഡ്വ.തോമസ് ഉണ്ണിയാടന് സെമിനാര് ഉദ്ഘാടനം ചെയ്തു. പൂമംഗലം ഗ്രാമപഞ്ചായത്ത് പ്രസിഡന്റ് അഡ്വ.ജോസ് മുഞ്ഞേലി അദ്ധ്യക്ഷത വഹിച്ചു. ഇരിങ്ങാലക്കുട ഡി.വൈ.എസ്.പി. ബിജു ഭാസ്ക്കര് മുഖ്യാതിഥിയായിരുന്നു. അരിപ്പാലം കാര്മ്മല മാതാ പള്ളി വികാരി റവ.ഫാ.ജോണ് കവലക്കാട്ട്, ഇരിങ്ങാലക്കുട സര്ക്കിള് ഇന്സ്പെക്ടര് ടി.എസ്.സിനോജ്, എസ്.എന്.ഡി.പി മുകുന്ദപുരം യൂണിയന് പ്രസിഡന്റ് കെ.കെ.ബിനു, അരിപ്പാലം വിദ്യാജോതി ഇ.എം.എച്ച്,എസ് ഹെഡ്മിസ്ട്രസ് ഐഡ ലോപ്പസ്, അരിപ്പാലം എ.എം.എല്.പി.എസ് ഹെഡ്മിസ്ട്രസ് മേരി ഐസക്, സി.അന്ന റോസ് എന്നിവര് ആശംസകള് അര്പ്പിച്ചു. കണ്വീനര് ഡാര്ളി ഡേവിഡ് സ്വാഗതവും, ജോയിന്റ് കണ്വീനര് കത്രീന ജോര്ജ്ജ് നന്ദിയും പറഞ്ഞു.
ഇരിങ്ങാലക്കുട: പൊതുമേഖലാ സ്ഥാപനമായ കേരള ഫീഡ്സ് ഓഫീസിന് മുമ്പില് 25 കയറ്റിറക്ക് തൊഴിലാളികള് (എച്ച്.എം.എസ് യൂണിയന് ) 7 മാസം കഴിഞ്ഞിട്ടും സ്ഥിരമായി തൊഴില് ലഭിക്കാത്തതില് പ്രതിഷേധിച്ച് അനിശ്ചിതകാല സത്യാഗ്രഹ സമരം അഞ്ചാം ദിവസത്തിലേക്ക്. എച്ച്.എം.എസ് സംസ്ഥാന വൈസ് പ്രസിഡന്റ് അഡ്വ.പ്രിന്സ് ജോര്ജ്ജ് ഉദ്ഘാടനം ചെയ്തു. യൂണിയന് പ്രസിഡന്റ് ഐ.എ.റപ്പായി അദ്ധ്യക്ഷത വഹിച്ചു. യൂണിയന് സെക്രട്ടറി കെ.എ.ബിജു, കണ്വീനര് സി.കെ.ബിജു എന്നിവര് പ്രസംഗിച്ചു.
ഇരിങ്ങാലക്കുട: വാഹനങ്ങളുടെ സീറ്റുകള് കുറവ് കാണിച്ച് വര്ഷങ്ങളായി ടാക്സ് വെട്ടിപ്പ് നടത്തി സര്ക്കാരിന് ലക്ഷങ്ങള് നഷ്ടം വരുത്തിയ ഇടപാടിലെ ആര്.ടി.ഒ എജന്റ്റ് സുഭാഷിന് വാഹന നികുതി വകുപ്പിലെ ഉദ്യോഗസ്ഥരുമായി അവിഹിതബന്ധത്തിന് സാധ്യത ഉണ്ടെന്ന നിഗമനത്തില് പോലീസ് എജന്റ്റ് ഓഫീസ് തിങ്കളാഴ്ച റെയ്ഡ് ചെയ്തു. സുഭാഷ് ഇപ്പോള് ഒളിവിലാണ്. ആര്.ടി.ഓഫീസിലെ ജീവനക്കാരെ സ്വാധീനിച്ച് കോണ്ട്രാക്റ്റ് കാര്യെജ് വാഹനങ്ങളിലും സ്കൂള് വണ്ടികളിലും 18 സീറ്റിനുപകരം 12 സീറ്റുകളെയുള്ളൂവെന്നും വിശ്വസിസിപ്പിച്ചാണ് ഇയാള് ക്രമക്കേട് നടത്തിയത്. പല വാഹനങ്ങള്ക്കും ഇങ്ങനെ വെട്ടിപ്പ് നടത്തിയതായി ഡെപ്യൂട്ടി ട്രാന്സ്പോര്ട്ട് കമ്മീഷണര് കണ്ടെത്തിയതിനെ തുടര്ന്നാണ് പോലീസില് പരാതി നല്കിയത്. സിവില് സ്റ്റേഷനില് പ്രവര്ത്തിക്കുന്ന ആര്.ടി. ഓഫീസിന്റെ എതിര്വശത്തുള്ള മുറി പോലീസ് പൂട്ടി മുദ്ര വെച്ചിരുന്നു. തിങ്കളാഴ്ച ഉച്ചയ്ക്ക് ഇരിങ്ങാലക്കുട സി.ഐ ടി.എസ്.സിനോജിന്റെ നേതൃത്വത്തിലുള്ള പോലീസ് സംഘം ഓഫീസ് തുറന്നു രേഖകള് പരിശോധിച്ചു. ഇവിടെ നിന്നും പല വാഹനങ്ങളുടെയും രേഖകള് പോലീസിനു ലഭിച്ചിട്ടുണ്ടെന്ന് അറിയുന്നു. ലക്ഷങ്ങളുടെ തട്ടിപ്പില് ആര്.ടി.ഓഫീസിലെ ജീവനക്കാരും, ഓട്ടോ കണ്സള്ട്ടന്റ് ഏജന്റുമാരും വര്ഷങ്ങളായി നടത്തികൊണ്ടിരിക്കുന്ന തട്ടിപ്പിന്റെ ചുരുള് അഴിയുകയാണ്.
ഇരിങ്ങാലക്കുട: അവിട്ടത്തൂര് തിരുകുടുംബ ദേവാലയത്തിലെ വി.സെബാസ്ത്യനോസിന്റെ അങ്ങാടി ചുറ്റിയുള്ള അമ്പു തിരുനാള് പ്രദക്ഷിണം നടന്നു. നൂറുക്കണക്കിന് മുത്തുകുടകള് പ്രദക്ഷിണത്തില് അണിനിരന്നിരുന്നു. പള്ളിയില് പ്രദക്ഷിണം സമാപിച്ചപ്പോള് മാനത്ത് വര്ണ്ണമഴയും യൂത്ത് ഓഫ് അവിട്ടത്തൂര് അവതരിപ്പിച്ച സിനിമാലയും ഉണ്ടായിരുന്നു. 6 ന് പൂര്വ്വികരെ അനുസ്മരിച്ച് വിശുദ്ധ കുര്ബാനയും വൈകീട്ട് 7 മണിക്ക് കാഞ്ഞിരപ്പിള്ളി അമലയുടെ കടം കൊടുത്ത ജീവിതം എന്നാ നാടകവും ഉണ്ടായിരിക്കും.
കല്ലേറ്റുങ്കര : നബിദിനാഘോഷം മതസൌഹാര്ദ്ദ സംഗമവേദിയായി. കല്ലേറ്റുങ്കര മഹല്ല് കമ്മിറ്റിയും എസ്എസ്എഫ്, എസ്വൈഎസ് യൂണിറ്റുകളും സംയുക്തമായി സംഘടിപ്പിച്ച നബിദിനാഘോഷം ക്രൈസ്തവ മുസ്ളിം സൌഹാര്ദത്തിന്റെ വിളംബര വേദിയായി. രാവിലെ ഹനഫി ജുമാ മസ്ജിദ് പരിസരത്തു നിന്നും ആരംഭിച്ച ടൌണ് ചുറ്റിയ പ്രവാചക സന്ദേശ റാലി ബിഎല്എം സെമിനാരി റെക്ടര് ഫാ. ഡേവീസ് കിഴക്കുംതല ഉദ്ഘാടനം ചെയ്തു. മഹല്ല് കമ്മിറ്റി പ്രസിഡന്റ് കെ.എം. അബ്ദുള് ഖാദര് ഹരിത പതാക ഉയര്ത്തി. നബിദിന സംഗമത്തിന്റെ ഉദ്ഘാടനം ഇമാം പട്ടാമ്പി അനസ് റഹ്മാനി നിര്വഹിച്ചു. മുന് മഹല്ല് പ്രസിഡന്റ് പി.എം. ഹാഹുല് ഹമീദ് അധ്യക്ഷത വഹിച്ചു. ആളൂര് പഞ്ചായത്ത് ആരോഗ്യ സ്റ്റാന്ഡിംഗ് കമ്മിറ്റി ചെയര്മാന് പോള് കോക്കാട്ട്, കെ.എസ.് റസാക്ക്, ബാബു സുല്ത്താന്, സി.എം. അക്ബര്ഷാ, എം.എം. ഷൈജുദീന്, ലുക്മാനുല് ഹക്കീം എന്നിവര് പ്രസംഗിച്ചു. മസ്ജിദില് നടന്ന മൌലീദ് പാരായണത്തിനും പ്രാര്ത്ഥനയ്ക്കും ഒ.പി. അബ്ദുള് അസീസ് മൌലവി, കരുപ്പ ടന്ന മജീദ് മുസ്ലിയാര് എന്നിവര് നേതൃത്വം നല്കി. മദ്രസ വിദ്യാര്ഥികളുടെ ദഫ്മുട്ടും അന്നദാനവും ഉണ്ടായിരുന്നു.
ഇരിങ്ങാലക്കുട : പേഷ്ക്കാര് റോഡ് റസിഡന്സ് അസോസിയേഷന് വാര്കാഘോഷം നടത്തി. ദേവദാസ് വാര്യരുടെ വസതിയില് നടന്ന പരിപാടി സി.ഐ ടി.എസ് സിനോജ് ഉദ്ഘാടനം ചെയ്തു. പ്രസിഡന്റ് എന്. ശശീധരമേനോന് അദ്ധ്യക്ഷത വഹിച്ചു. യു.കെ വിദ്യാസാഗര്, സി.വി പുരുഷോത്തമന്, കൌണ്സിലര് സന്തോഷ് ബോബന് തുടങ്ങിയവര് സംസാരിച്ചു. തുടര്ന്ന് വിവിധ കലാപരിപാടികള് അരങ്ങേറി.
പുല്ലൂര് : അവിട്ടത്തൂര് മഹാദേവക്ഷേത്രത്തിലെ പത്തുദിവസം നീണ്ടുനിന്ന ഉത്സവം ആറാട്ടോടെ സമാപിച്ചു. രാവിലെ വിശേഷാല് പൂജകള്ക്ക്ശേഷം 11 മണിയോടെ ക്ഷേത്രകുളത്തില്നടന്ന ആറാട്ട് ചടങ്ങുകള്ക്ക് തന്ത്രി കുട്ടന് നമ്പൂതിരി നേത്യത്വം നല്കി. തുടര്ന്ന് ആറാട്ടുകടവില് ആറാട്ടുകഞ്ഞി വിതരണം നടന്നു. നൂറുകണക്കിന് ആളുകള് പങ്കെടുത്തു. തുടര്ന്ന് കൊടിക്കല്പറയ്ക്ക് ശേഷം ആനപ്പുറത്ത് ക്ഷേത്രത്തിന് ചുറ്റും ഭഗവാന്റെ പതിമൂന്ന് പ്രദക്ഷിണത്തിന് ശേഷം ഉത്സവചടങ്ങുകള്ക്ക് പരിസമാപ്തിയായി.
ഇരിങ്ങാലക്കുട: ഫെബ്രുവരി 7 മുതല് 11 ബാരെ കൊല്ലത്ത് നടക്കുന്ന സി.പി.ഐ സംസ്ഥാന സമ്മേളനത്തിന്റെ ഭാഗമായുള്ള സത്യന് മൊകേരി നയിക്കുന്ന സി.പി.ഐ സംസ്ഥാന പതാക ജാഥയ്ക്ക് ഇരിങ്ങാലക്കുട ആല്ത്തറയില് സ്വീകരണം നല്കി .
ഇരിങ്ങാലക്കുട: മുസ്ലീം ജമാ അത്ത് കമ്മിറ്റിയുടെ ആഭിമുഖ്യത്തില് ഇരിങ്ങാലക്കുടയില് നബിദിനറാലി നടന്നു . റാലി രാവിലെ ഠാണാവ് ജുമാ മസ്ജിദ് അങ്കണത്തില് നിന്ന് ആരംഭിച്ച് പ്രധാനവീഥികള് ചുറ്റി കാട്ടുങ്ങചിറ ജുമാ മസ്ജിദില് എത്തിചേര്ന്നു. ചേരുന്ന പൊതുസമ്മേളനം ഡോ.വി.ഇ.നസീര് ഉദ്ഘാടനം ചെയ്തു . പി.എ.അബ്ദുല്ബഷീര് അദ്ധ്യക്ഷത വഹിച്ചു. ഇമാം പി.എന്.അബ്ദുല് കബീര് മൗലവി മദ്രസ വിദ്യാര്ത്ഥികള്ക്ക് ഉപഹാരവും സര്ട്ടിഫിക്കറ്റുകളും നല്കി . മൌലീദ് പാരായണവും അന്നദാനവും ഉണ്ടായിരിരുന്നു . മഹല്ല് കമ്മിറ്റി പ്രസിഡന്റ് പി.എ.അബ്ദുള്ബഷീര്, വൈസ് പ്രസിഡന്റ് അബ്ദുള് ഖാദര്, സെക്രട്ടറി പി.കെ.റഷീദ് എന്നിവര് റാലിക്ക് നേതൃത്വം നല്കി . ആഘോഷത്തോട് അനുബന്ധിച്ച് നടന്ന പ്രസംഗ പരമ്പരയില് തൃശൂര് ചെട്ടിയങ്ങാടി ഹനഫി ജുമാമസ്ജിദ് ഖത്തീബ് കാഞ്ഞാര് അബ്ദുല് ശുക്കൂര് മൗലവി, ടൌണ് ജുമാമസ്ജിദ് ഇമാം അല്ഹാഫിസ് വലിയുള്ള പി.എന്.അബ്ദുല് കബീര് മൗലവി എന്നിവര് മുഖ്യപ്രഭാഷണം നടത്തി.
ഇരിങ്ങാലക്കുട: രാധികാസനോജിന്റെ ആദ്യ കവിതാസമാഹാരമായ 'മായ്ച്ചും വരച്ചും' തൃശൂര് സുഹൃദ് സമിതിയുടെ നേതൃത്വത്തില് കേരള സാഹിത്യ അക്കാദമി വൈലോപ്പിള്ളി ഹാളില് നടന്ന ചടങ്ങില് ലളിതാലെനിന് ആദ്യപ്രതി നല്കികൊണ്ട് പ്രൊഫസര് വി.ജി.തമ്പി പുസ്തകപ്രകാശനം നിര്വഹിച്ചു . പി.കെ.ഭരതന് മാസ്റ്ററുടെ അദ്ധ്യക്ഷതയില് കുടിയ യോഗത്തില് ബക്കര് മേത്തല , പി.എന് .ഗോപീകൃഷ്ണന് , റോസി തമ്പി, വിജേഷ് എടക്കുന്നി, രോഷ്നി സ്വപ്ന, സുനില്.പി.മതിലകം, എബ്രഹാം, ബിലു.സി.നാരായണന് , ശ്രീജിഷ്.കെ.പൊയ്യാറ, ബിലു സി നാരായണന് , എബ്രഹാം, എം വി ജോസ് , രാധിക സനോജ് തുടങ്ങിയവര് ചടങ്ങില് സംബന്ധിച്ചു . തൃശൂര് എച്ച് & സി ബുക്ക്സ് ആണ് പുസ്തകം പ്രസാധനം ചെയ്യുന്നത്
ഇരിങ്ങാലക്കുട: ഓള് കേരള സ്കൂള് ടീച്ചേഴ്സ് യൂണിയന് തൃശൂര് ജില്ലാ സമ്മേളനം ഇരിങ്ങാലക്കുട ഗവണ്മെന്റ് മോഡല് സ്കൂളില് നടന്നു . രാവിലെ നടന്ന ഉദ്ഘാടന സമ്മേളനത്തില് ടി.കെ.സുധീഷ് അദ്ധ്യക്ഷത വഹിച്ചു. സമ്മേളനം വി.എസ്.സുനില്കുമാര് എം.എല്.എ ഉദ്ഘാടനം നിര്വഹിച്ചു . സി.പി.ഐ ജില്ലാ സെക്രട്ടറി സി.എന്.ജയദേവന്, സി.കെ.ബിന്ടുമോള് എന്നിവര് സംസാരിച്ചു . തുടര്ന്ന് സര്വ്വീസില് നിന്നും വിരമിക്കുന്ന ജീവനക്കാരായ സി.വിമല, പി.കെ.വിമല എം.എം.ശശീന്ദ്രബാബു എന്നിവര്ക്ക് യാത്രയയപ്പ് നല്കി . എടത്താട്ടില് മാധവന് മാസ്റ്റര് ഉപഹാര സമര്പ്പണം നടത്തി . അദ്ധ്യാപക പാക്കേജിലെ ഗുണദോഷങ്ങള് എന്നാ വിഷയത്തെ ആസ്പദമാക്കി വിദ്യാഭ്യാസ സെമിനാര് നടന്നു . എം.ഡി.സുരേഷ്, പി.കെ.കൃഷ്ണദാസ് എന്നിവര് സംസാരിച്ചു .
കല്ലേറ്റുംകര : പൊതുമേഖലാ സ്ഥാപനമായ കേരള ഫീഡ്സ് ഓഫീസിന് മുമ്പില് 25 കയറ്റിറക്ക് തൊഴിലാളികള് (എച്ച്.എം.എസ് യൂണിയന് ) സ്ഥിരമായി തൊഴില് ലഭിക്കണമെന്ന് ആവശ്യപ്പെട്ട് അനിശ്ചിതകാല സമരം ആരംഭിച്ചു. മൂന്നാം ദിവസത്തെ സമരം മുന് ജില്ലാ പ്രസിഡന്റ് അഡ്വ.വി.എം.നാരായണന് ഉദ്ഘാടനം ചെയ്തു. പി.പി.മനോജ് അദ്ധ്യക്ഷത വഹിച്ചു. സി.കെ.ജോഷിമോന് , പി.കെ.അനിലന് എന്നിവര് പ്രസംഗിച്ചു.
കരുവന്നൂര്: :: തറയ്ക്കല് ശ്രീമഹാവിഷ്ണു ക്ഷേത്ര പുനരുദ്ധാരണ പ്രവര്ത്തനങ്ങളുടെ ഭാഗമായി നടക്കുന്ന ശ്രീകോവിലിന്റെ ഉത്തരംവെപ്പ് ചടങ്ങ് ഗുരുവായൂര് ദേവസ്വം ചെയര്മാന് ടി.വി.ചന്ദ്രമോഹന് നിര്വഹിച്ചു. പ്രമുഖ തച്ചുശാസ്ത്ര വിദഗ്ധന് കൊടകര വൈലൂര് വടക്കൂട്ട് ശിവരാമന് ആചാരി മുഖ്യകാര്മ്മികത്വം വഹിച്ചു. ക്ഷേത്രം തന്ത്രി അണിമംഗലം വാസുദേവന് നമ്പൂതിരി, പുനരുദ്ധാരണ കമ്മിറ്റി പ്രസിഡന്റ് ടി.എം.മുകുന്ദന്, ക്ഷേത്രം ഊരാഇന് കെ.എന്.ഉണ്ണികൃഷ്ണന്, ഗ്രൂപ്പ് ദേവസ്വം പ്രസിഡന്റ് വി.ജി.മേനോന് , പുനരുദ്ധാരണ കമ്മിറ്റി രക്ഷാധികാരി സേതുമാധവന് വെളിച്ചപ്പാട് എന്നിവര് ചടങ്ങുകള്ക്ക് നേതൃത്വം നല്കി.
ഇരിങ്ങാലക്കുട: നഗരസഭയുടെ പത്തൊന്പതാം വാര്ഡിലെ ഗ്രാമസഭയിലെ അംഗങ്ങള്ക്ക് പരിശീലനം നല്കാന് കില നിയോഗിച്ച പരിശീലകന് ഇരിങ്ങാലക്കുട സ്വദേശി ജിതേഷിനെയാണ് മര്ദ്ദിച്ചത്. മര്ദ്ദനത്തിന് പുറകില് സി.പി.എം ആണെന്ന് ആരോപണമുണ്ട്. പ്രോഗ്രാം കോര്ഡിനേറ്റര് ഇ.കെ.പ്രസന്നന്റെ നേതൃത്വത്തിലുള്ള സംഘമാണ് ഗ്രാമസഭയിലെ അംഗങ്ങള്ക്ക് പരിശീലനം നല്കുന്നത്. പരിശീലന പരിപാടി കഴിഞ്ഞതിനെ തുടര്ന്ന് അംഗങ്ങളുടെ ആവശ്യപ്രകാരം ചര്ച്ച ആരംഭിച്ചെങ്കിലും അത് ഗുണകരമല്ലെന്ന് കണ്ട് നിര്ത്തിവെയ്ക്കാന് ആവശ്യപ്പെട്ടതോടെയാണ് സംഭവം.
ഇരിങ്ങാലക്കുട: പ്രതിഷേധം ഉയര്ന്നതിനെ തുടര്ന്ന് നഗരസഭാ ആരോഗ്യവിഭാഗം ഇരിങ്ങാലക്കുടയിലെ ഹോട്ടലുകളുടെ മാലിന്യപൈപ്പുകള് അടച്ചു. ശനിയാഴ്ച ഉച്ചതിരിഞ്ഞാണ് നഗരസഭാ ആരോഗ്യവിഭാഗം ജീവനക്കാര് എത്തി 4 ഹോട്ടലുകളുടെ മലിനജലം ഒഴുകുന്ന ഔട്ട്ലെറ്റുകള് അടച്ചത്.
ഇരിങ്ങാലക്കുട: അദ്ധ്യാപക സര്വ്വീസ് സംഘടനാ സമരസമിതിയുടെ നേതൃത്വത്തിലുള്ള സംസ്ഥാന സമര പ്രചരണജാഥയ്ക്ക് ഇരിങ്ങാലക്കുടയില് സ്വീകരണം നല്കി. സ്വീകരണ സമ്മേളനത്തില് ടി.കെ.സുധീഷ് അദ്ധ്യക്ഷത വഹിച്ചു. വിവിധ വര്ഗ്ഗ ബഹുജനസംഘടനകള് ജാഥാ ക്യാപ്റ്റന് എന്.ശ്രീകുമാറിന് ഹാരാര്പ്പണം നടത്തി.
ഇരിങ്ങാലക്കുട: സപ്തതിയിലെത്തിയ കഥകളി ആചാര്യന് സദനം കൃഷ്ണന്കുട്ടിക്ക് ജന്മനാടായ ചേര്പ്പുളശ്ശേരിയില് വരവേല്പ്പ് നല്കും. പുത്തനാന്ക്കല് ദേവീക്ഷേത്രത്തില് ഫെബ്രുവരി 5 ഞായറാഴ്ച വൈകീട്ട് 7 നു നടക്കുന്ന ചടങ്ങില് സദനം കൃഷ്ണന്കുട്ടിക്ക് സുവര്ണ്ണ മുദ്ര സമര്പ്പിക്കും. കലാമണ്ഡലം രജിസ്ട്രാര് ഡോ.കെ.കെ.സുന്ദരേശന് അദ്ധ്യക്ഷത വഹിക്കും ചലച്ചിത്രതാരം ബാബു നമ്പൂതിരി മുഖ്യാതിഥിയാകും. പി.ശ്രീകുമാര്, ഡോ.എന് .പി.വിജയകൃഷ്ണന് , എം.വി.രാജന് , തുടങ്ങിയവര് പ്രസംഗിക്കും. തുടര്ന്ന് സന്താനഗോപാലം, ബാലിവിജയം കഥകളി അരങ്ങേറും. സദനം കൃഷ്ണന്കുട്ടി രാവണനായി അരങ്ങിലെത്തും.
ഇരിങ്ങാലക്കുട: കോടതി വിധി നടപ്പാക്കുന്നതില് വീഴ്ച വരുത്തിയ നഗരസഭാ സെക്രട്ടറിക്കെതിരെ പ്രോസിക്യൂഷന് നടപടി സ്വീകരിക്കണമെന്ന് ആവശ്യപ്പെട്ട് ഗായത്രി റസിഡന്സ് അസോസിയേഷന് മുന്സിഫ് കോടതിയെ സമീപിച്ചു. ഇതിനെ തുടര്ന്ന് മലിനജലം ഇപ്പോഴും കാനയിലേക്ക് ഒഴുക്കുന്നുണ്ടോ എന്നന്വേഷിക്കാന് കോടതി നിയോഗിച്ച കമ്മീഷന് അഡ്വ.പി.പി.പ്രനോബിന്റെ നേതൃത്വത്തിലുള്ള സംഘം തെളിവെടുപ്പ് നടത്തി. ഓംബുഡ്സ്മാന്റെ ഉത്തരവ് നടപ്പിലാക്കുന്നതിന്റെ ഭാഗമായി കാനയിലേക്ക് മലിനജലം ഒഴുക്കിയിരുന്ന ഹോട്ടലുകളുടെയും മറ്റും പൈപ്പുകളും ഔട്ട്ലെറ്റുകളും അടച്ചിരുന്നു. എന്നാല് വ്യാപാരികളുടെ സമ്മര്ദ്ദത്തെ തുടര്ന്ന് നഗരസഭ ഔട്ട് ലെറ്റുകള് തുറന്നുകൊടുക്കുന്നതിനായി കൌണ്സില് വെച്ചെങ്കിലും ഗായത്രി റസിഡന്സ് അസോസിയേഷന് ഭാരവാഹികള് കോടതിയെ സമീപിക്കുകയായിരുന്നു. ഇതിനെ തുടര്ന്ന് തല്സ്ഥിതി തുടരാന് കോടതി ഉത്തരവിട്ടിരുന്നു. എന്നാല് ഹോട്ടലുകളില് നിന്നും ഇപ്പോഴും മലിനജലം കാനയിലേക്ക് ഒഴുക്കുന്നുണ്ടെന്നും ഇതിനെതിരെ നടപടി എടുക്കണമെന്നും ആവശ്യപ്പെട്ട് സെക്രട്ടറിയ്ക്ക് പരാതി നല്കിയെങ്കിലും നഗരസഭ നടപടി എടുക്കാന് തയ്യാറായില്ലെന്നും, അതിനാല് കോടതി വിധി ലംഘിച്ചതിന് സെക്രട്ടറിക്കെതിരെ പ്രോസിക്യൂഷന് നടപടി എടുക്കണമെന്നും മലിനജലം പുറത്തേക്ക് ഒഴുക്കുന്നത് തടയണമെന്നും ആവശ്യപ്പെട്ടു. ഭാരവാഹികളായ വി.കെ.ലക്ഷ്മണന് നായര്, ടി.ഗിരിജാ വല്ലഭന് എന്നിവരാണ് ഇരിങ്ങാലക്കുട മുന്സിഫ് കോടതിയില് ഹര്ജി നല്കിയത്. ഹര്ജി പരിഗണിച്ച് കോടതി മലിനജലം കാനയിലേക്ക് ഒഴുക്കുന്നത് തെളിവെടുക്കാന് കമ്മീഷന് നിയോഗിച്ചു ഉത്തരവിടുകയായിരുന്നു. അസോസിയേഷന് വേണ്ടി അഡ്വക്കേറ്റുമാരായ എം.എ.ജോയ്, രമേശ് കൂട്ടാല എന്നിവര് ഹാജരായി. നഗരസഭാ എഞ്ചിനീയറിങ്ങ് വിഭാഗം ഉദ്യോഗസ്ഥരും എത്തിയിരുന്നു.
ഇരിങ്ങാലക്കുട: ജൂനിയര് ചേംബര് ഇന്റര്നാഷണല് ഇരിങ്ങാലക്കുട ചാപ്റ്ററിന്റെ ആഭിമുഖ്യത്തില് ഇരിങ്ങാലക്കുട മുനിസിപ്പല് പ്രദേശങ്ങളില് മാലിന്യ നിര്മ്മാര്ജ്ജനം ശുചിത്വ പരിപാലനം, പരിസ്ഥിതി സംരക്ഷണം തുടങ്ങിയ വിഷയങ്ങളില് ബോധവത്ക്കരണം സംഘടിപ്പിക്കുന്നതിന്റെ ഭാഗമായി മാലിന്യ നിര്മ്മാര്ജ്ജന യജ്ഞം 2012 ന്റെ ഉദ്ഘാടനം ഇരിങ്ങാലക്കുട ലിറ്റില് ഫ്ലവര് ഗേള്സ് ഹൈസ്കൂളില് വെച്ച് മുനിസിപ്പല് ചെയര്പേഴ്സന് സോണിയ ഗിരി നിര്വഹിച്ചു. ജെ.സി.ഐ പ്രസിഡന്റ് ഡോ.സിജോ വര്ഗ്ഗീസ് പട്ടത്ത് അദ്ധ്യക്ഷത വഹിച്ചു. സമ്മേളനത്തില് ഹെഡ്മിസ്ട്രെസ് സിസ്റ്റര് ഫ്ലോറന്സ്, മുന് പ്രസിഡന്റ് ടെല്സണ് കോട്ടോളി, സെക്രട്ടറി ബിജു.സി.ഡി, ജീസ്റ്റണ് വര്ഗ്ഗെസ്, അഡ്വ.ഹോബി ജോളി, സുനില്.സി.ഡി, എന്നിവര് പ്രസംഗിച്ചു. സോണ് കോഓഡിനേറ്റര് എബിന് മാത്യു മാലിന്യ സംരക്ഷണ പ്രതിജ്ഞ ചൊല്ലി കൊടുത്തു. ജെ.സി.ഐ ടാലന്റ് ടെസ്റ്റിലെ വിജയി സ്നേഹ ജോണിക്ക് ഉപഹാരവും ക്യാഷ് അവാര്ഡും പ്രസിഡന്റ് ഡോ.സിജോ സമ്മാനിച്ചു. മുനിസിപ്പല് ഹെല്ത്ത് ഇന്സ്പെക്ടര് പി.ആര്.സ്റ്റാന്ലി ബോധവത്ക്കരണ ക്ലാസ് നയിച്ചു.
ഇരിങ്ങാലക്കുട: ഇരിങ്ങാലക്കുട ഠാണാവിലുള്ള നിഷ ജ്വല്ലറിയില് നിന്നും മുക്കുപണ്ടം നല്കി പകരം സ്വര്ണ്ണാഭരണങ്ങള് വാങ്ങി മുങ്ങിയ മാടായിക്കോണം ശങ്കരമംഗലത്ത് സഹദേവന് (52 ), സഹായിയായ തൃശൂര് കള്ളിക്കാടന് തോമസ് (47 ) എന്നിവരെ ഇരിങ്ങാലക്കുട എസ്.ഐ അനില്.ടി.മേപ്പള്ളിയുടെ നേതൃത്വത്തിലുള്ള അന്വേഷണ സംഘം അറസ്റ്റ് ചെയ്തു. ജനുവരി 28 നു രാവിലെ കട തുറന്ന ഉടനെയാണ് തട്ടിപ്പ് നടന്നത്. കടയുടമ നന്ദനന് ഗള്ഫില് പോയതിനാല് മകള് നിര്മ്മല് കടയില് ഉണ്ടായിരുന്നത്. അച്ഛന്റെ സുഹൃത്താണെന്നും ഗള്ഫില് നിന്നും വന്നതാണെന്നും വിജയന് എന്ന് പേരും പറഞ്ഞാണ് സഹദേവന് നിര്മ്മലിനെ വിശ്വാസത്തിലെടുത്തത്. 27 ഗ്രാം മുക്കുപണ്ടങ്ങള് നല്കി പകരം 6 വളകളും ഒരു മോതിരവും വാങ്ങി കുറവുവന്ന മൂവായിരത്തോളം രൂപയും നല്കി. കടയിലെ ജോലിക്കാരന് എത്തുന്നതിനു മുമ്പ് വില്പനയ്കായി വന്നതിനാല് ബിസിനസ്സില് പരിചയ കുറവുള്ള നിര്മ്മല് തൊട്ടടുത്ത് കട നടത്തുന്ന അച്ഛന്റെ സഹോദരന് സഹദേവനോട് സ്വര്ണത്തിന്റെ മാറ്റ് നോക്കാന് ഏല്പ്പിച്ചെങ്കിലും നല്ല സ്വര്ണ്ണമാണെന്നും മാറ്റി നല്കികൊള്ളാന് സഹദേവന് പറഞ്ഞു. പണിക്കാരന് വന്നതിനു ശേഷം വ്യാജസ്വര്ണ്ണം തിരിച്ചറിഞ്ഞപ്പോള് മാലയിലുള്ള 916 സീല് മാത്രമേ താന് നോക്കിയുള്ളൂ എന്നും സംശയമൊന്നും തോന്നിയില്ല എന്നും പറഞ്ഞ് സഹദേവന് ഒഴിഞ്ഞു. സൈബര് സെല്ലിന്റെ സഹായത്തോടെ നടത്തിയ അന്വേഷണത്തിലാണ് സഹദേവന് ആസൂത്രണം ചെയ്തു നടത്തിയ പദ്ധതിയാണ് ഇതെന്ന് പോലീസിന് വ്യക്തമായത്. സഹദേവനെ വിശദമായി ചോദ്യം ചെയ്തതില്, മുമ്പ് മാടായിക്കോണത്ത് താമസിച്ചിരുന്ന തോമസിനെ വിളിച്ചുവരുത്തി തട്ടിപ്പ് നടത്തുകയായിരുന്നു.പ്രതിഫലമായി 2000 രൂപയും കൊടുത്തു. പകരം വാങ്ങിയ സ്വര്ണ്ണം തോമസിന്റെ കയ്യില്നിന്നും വാങ്ങി ഇരിങ്ങാലക്കുടയിലുള്ള ഒരു വ്യക്തിക്ക് വില്പ്പന നടത്തി. സ്വര്ണ്ണം പോലീസ് കണ്ടെടുത്തു. അന്വേഷണസംഘത്തില് എ.എസ്.ഐ സുരേഷ്, സീനിയര് സി,പി.പ തോമാസ്, സി.പി.ഓ.മാരായ സുജിത് കുമാര്, അജിത് കുമാര്, റോയ് പൗലോസ്, ജോയ്, ഷിജിന് തുടങ്ങിയവര് ഉണ്ടായിരുന്നു. സഹദേവനെ ഇരിങ്ങാലക്കുടയില് നിന്നും തോമസിനെ തൃശൂര് ശക്തന് ബസ് സ്റ്റാന്ഡില് നിന്നുമാണ് അറസ്റ്റ് ചെയ്തത്.
ഇരിങ്ങാലക്കുട: വാരിയര് സമാജം സ്ഥാപകദിനം പതാകദിനമായി ആചരിച്ചു. ഇരിങ്ങാലക്കുട മേഖല ആസ്ഥാന മന്ദിരത്തില് പ്രസിഡന്റ് കെ.പത്മനാഭ വാരിയര് പതാക ഉയര്ത്തി. കേന്ദ്ര കമ്മിറ്റി അംഗം എ.സി.സുരേഷ് സ്ഥാപകദിനാഘോഷം ഉദ്ഘാടനം ചെയ്തു. കെ.പത്മനാഭ വാരിയര് അദ്ധ്യക്ഷത വഹിച്ചു. എ.വേണുഗോപാലന്, വി.വി.ഗിരീശന് , ശ്രീദേവി വാരസ്യാര്, കെ.വി.ചന്ദ്രന് തുടങ്ങിയവര് പ്രസംഗിച്ചു.
ഇരിങ്ങാലക്കുട: ഏറെ നാളത്തെ കാത്തിരിപ്പിന് ശേഷം ഇരിങ്ങാലക്കുട കുടുംബകോടതി യാഥാര്ത്ഥ്യമാകുന്നു. കോടതിയുടെ പ്രവര്ത്തനത്തിന് ആവശ്യമായ സ്ഥലവും മറ്റു സൗകര്യങ്ങളും സജ്ജമായിക്കഴിഞ്ഞു. കുടുംബകോടതിയുടെ സ്റ്റാഫ് പാറ്റേണ് അനുസരിച്ച് 30 ജീവനക്കാരാണ് ആവശ്യമായിട്ടുള്ളത്. കഴിഞ്ഞദിവസം ജീവനക്കാരെ അനുവദിച്ചുകൊണ്ടുള്ള സര്ക്കാര് ഉത്തരവ് വന്നതോടെ ഈ മാസംതന്നെ ഉദ്ഘാടനം നടക്കുമെന്ന് അറിയുന്നു. ഇരിങ്ങാലക്കുട ടൌണ് സഹകരണ ബാങ്കിന്റെ നട ബ്രാഞ്ചിന്റെ മുകളിലെ നിലയില് സൗജന്യമായി അനുവദിച്ച സ്ഥലത്താണ് കുടുംബകോടതി താത്കാലികമായി പ്രവര്ത്തിക്കുക. മുകുന്ദപുരം, കൊടുങ്ങല്ലൂര് താലൂക്കുകളാണ് ഈ കുടുംബകോടതിയുടെ അധികാരപരിധിയില് വരിക. അഡ്വ.കെ.ആര്.അച്യുതനാണ് ഇരിങ്ങാലക്കുടയില് കുടുംബകോടതി അനുവദിക്കണമെന്ന ആവശ്യവുമായി ആദ്യം രംഗത്ത് വന്നത്. അഡ്വ.തോമസ് ഉണ്ണിയാടന് എം.എല്.എ യുടെ പരിശ്രമവും കുടുംബകോടതി ഇരിങ്ങാലക്കുടയില് അനുവദിക്കുന്നതില് പ്രധാനഘടകമാണ്. ഇരിങ്ങാലക്കുടയിലും മൂവാറ്റുപ്പുഴയിലും കുടുംബകോടതി പ്രവര്ത്തിക്കുന്നതിനാവശ്യമായ എല്ലാ അംഗീകാരവും സര്ക്കാര് നല്കി. 2011 ഡിസംബറില് ഉദ്ഘാടനം നടത്താന് തീരുമാനിച്ചെങ്കിലും സാങ്കേതികമായ ചില കാരണങ്ങളാല് നീണ്ടുപോകുകയായിരുന്നു. 3500 സ്ക്വയര് ഫീറ്റില് എല്ലാവിധ സജ്ജീകരണങ്ങളോടും കൂടി കോടതി പ്രവര്ത്തിക്കുന്നതിനാവശ്യമായ എല്ലാ ഭൗതിക സൌകര്യങ്ങളും ഒരുങ്ങി കഴിഞ്ഞിട്ടുണ്ട്. 125 വര്ഷം മുമ്പ് മുന്സിഫ് കോടതിയുടെ പ്രവര്ത്തനം ആരംഭിച്ച ഇരിങ്ങാലക്കുടയില് ഇന്ന് മജിസ്ട്രേറ്റ് കോടതി, എം.എ.സി.ടി കോടതി, അഡീഷണല് ഡിസ്ട്രിക്റ്റ് കോടതി, ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി, രണ്ടു മുന്സിഫ് കോടതി, രണ്ടു സബ്ബ് കോടതി തുടങ്ങിയവയാണ് ഇരിങ്ങാലക്കുട കോര്ട്ട് കോംപ്ലക്സില് പ്രവര്ത്തിച്ചുകൊണ്ടിരിക്കുന്നത്.