17 വിഭവങ്ങളടങ്ങിയ സൗജന്യ ഭക്ഷ്യവിഭവ കിറ്റ് വിതരണം ഈ ആഴ്ച തുടങ്ങും

പ്രതീകാത്മക ചിത്രം…

കോവിഡ് 19 ന്‍റെ ഭാഗമായി സംസ്ഥാനത്തെ റേഷന്‍ കാര്‍ഡുടമകള്‍ക്ക് സര്‍ക്കാരിന്‍റെ  1000 രൂപ വില വരുന്ന 17 വിഭവങ്ങളടങ്ങിയ സൗജന്യ ഭക്ഷ്യവിഭവ കിറ്റ് വിതരണം ഈ ആഴ്ച ആരംഭിക്കുമെന്ന് സപ്ലൈകോ അറിയിച്ചു. ഭക്ഷ്യവിഭവങ്ങള്‍ക്കുള്ള സഞ്ചിയും ഇതോടൊപ്പമുണ്ട്.

പഞ്ചസാര (ഒരു കിലോ), ചായപ്പൊടി (250 ഗ്രാം), ഉപ്പ് (ഒരു കിലോ ), ചെറുപയര്‍ (ഒരു കിലോ), കടല (ഒരു കിലോ), വെള്ളിച്ചെണ്ണ (അര ലിറ്റര്‍), ആട്ട (രണ്ടു കിലോ), റവ (ഒരു കിലോ), മുളകുപൊടി (100 ഗ്രാം), മല്ലിപ്പൊടി (100 ഗ്രാം), പരിപ്പ് (250 ഗ്രാം), മഞ്ഞള്‍പ്പൊടി (100 ഗ്രാം), ഉലുവ (100 ഗ്രാം), കടുക് (100 ഗ്രാം), സോപ്പ് (രണ്ടെണ്ണം), സണ്‍ ഫ്‌ലവര്‍ ഓയില്‍ ( ഒരു ലിറ്റര്‍), ഉഴുന്ന് (ഒരു കിലോ) എന്നീ ഭക്ഷ്യ വിഭവങ്ങളാണ് കിറ്റുകളിലുണ്ടാകുക. കൊറോണക്കാലത്ത് ആര്‍ക്കും ഭക്ഷണമില്ലാതിരിക്കരുത് എന്ന സര്‍ക്കാര്‍ തീരുമാനപ്രകാരമാണ് വിതരണം.

Leave a comment
  •  
  •  
  •  
  •  
  •  
  •  
  •  
Top